| عزيز النفس سيدهاا على كرسي الأعتراف | |
|
+5درب الحياة شموخ انثى عزيز النفس سيدهااا صمود رغم الحدود والقيود Admin 9 مشترك |
كاتب الموضوع | رسالة |
---|
Admin Admin
عدد المساهمات : 2 نقاط : 33 تاريخ التسجيل : 18/02/2011
| |
| |
صمود رغم الحدود والقيود عضو ماسي
عدد المساهمات : 297 نقاط : 752 تاريخ التسجيل : 21/02/2011
| موضوع: رد: عزيز النفس سيدهاا على كرسي الأعتراف الثلاثاء أغسطس 02, 2011 4:30 am | |
| السلام عليكم ورحمة الله وبركاته ...
مساء تشع شمسه على وجوه طاهرة ...
مساء يجمع أخوة متلائمة ..
مساء الورد .. مساء النور.. مساء اللحن وصوت العصفور .
إطلالة جديدة لنجوم في كرسي الإعتراف
بكل الحب .. وبكل التواصل ...
اليوم نستضيف شخصية لامعة من منتدى صمود ...
شخصية عزيزة على قلوبنا جميعاً...
طيف يتلألأ ضياءه فى سماء سحبنا.. قلم مضىء ...
قلم هادف...
قلم بناء...
نتشرف بــ كل حفاوة وترحيب ...
نستقبل
آلعضو المبدع عزيز النفس سيدهاا ...
سؤالي لك ... من تكون ... من انت ...؟؟؟
ماسبب اختيارك لاسم عزيز النفس سيدهااا ... ؟؟؟
| |
|
| |
عزيز النفس سيدهااا عضو فضي
عدد المساهمات : 124 نقاط : 154 تاريخ التسجيل : 21/02/2011
| موضوع: رد: عزيز النفس سيدهاا على كرسي الأعتراف الثلاثاء أغسطس 02, 2011 10:16 am | |
| وعليكم السلام ورحمة الله وبركاته الله يسعد مساكِ يا غالية ويسعد مساء الجميع بكل لغات الاخوة والامتنان . صـمـود رغـم الـحـدود والـقـيـود يـا مـنـبـع الابـداع ونـور هـذا الـمـنـتـدى الـفـكـري الـلامـع . في كل يوم نصحوا لنجد لحنا جميلا من ابداعك وحسن اختيارك للمواضيع الهادفة . لكي مني جزيل الشكر والتقدير بعدد قطرات المطر , وشذى العطر على جهودك الثمينة والقيمة من أجل الرقي بمسيرة منتدى صـمـود رغـم الـحـدود والـقـيـود . ولو أنني اوتيت كل البلاغة...وأفنيت بحر النطق في النظم والنثر ... لما كنت بعد القول الا مقصرا , ومعترف بالعجز عن واجب الشكر لكِ. يسعدني ان اكون اول الجالسين على هذا الكرسي " كرسي الاعتراف " وانا على استعداد تام للإجابة على اي سؤال من الإخوة الأعضاء في المنتدى . تقبلوا مني جزيل الشكر ودمتم بحفظ الرحمن . | |
|
| |
عزيز النفس سيدهااا عضو فضي
عدد المساهمات : 124 نقاط : 154 تاريخ التسجيل : 21/02/2011
| موضوع: رد: عزيز النفس سيدهاا على كرسي الأعتراف الثلاثاء أغسطس 02, 2011 10:58 am | |
| السلام عليكم ورحمة الله وبركاته سؤال صمود رغم الحدود والقيود.... من أنت ... من تكون ؟ أنــا حـكـايـة شـعـب تـشـرد مـنـذ عـقـود مـن الـزمـن .. أنــا قـصـة ألـفـهـا شـعـوب الأرض لـتـبـقـى نـهـايـتـهـا هـي الأمـل .. أنــا مـعـانـاة صـرخـت وجـروح نـزفـت واّلاّم تـجـسـدت .. أنـا ماء هـذه الأرض الـطـاهـرة كـلـمـا شـعرت بـالـظـمـأ مـن دمـي ودم شـعـبـي إرتـوت .. أنـا مـن اقـتـحـم كـتـب الـتـاريـخ وسـطر إسم فــلــســطــيــن رغـم أنـف المحتلين .. أنـا شـاب لاجـئ فـلـسـطـيـنـي خـرج لـنـور الحـيـاة لـيـحـيـا غـريـبـا فـي وطـنه فـلـسـطـيـن .. أنـا مـن كـان اسـمه قـد كـتـب قـبـل أن يـولـد لاجـئ ولـك مع أرضـك مـوعـد ولـكـن بـعـد حين .. اانا انسان من هذه الدنيا لا ارغب سوى بعيش كغيري ممن يعيشون احب ان احيا في عالم من الحب والاخلاص والوفاء اكره البغضاء التي في قلوب الناس والابتسامات المزيفة التي تخفي الأحقاد وتبنى على اي مصلحة , يكفيني من هذه الدنيا انسانة تعرف معنى الحب والاخلاص والوفاء , لا يهمني كم لي من الاصدقاء بقدر ما يهمني الصدق في الاصدقاء , أحب ان احيا حياتي كما اشاء اناااا وبالنسبة الي من يحيا حياته على اهواء غيره , سيصحوا يوما ليقلب في كتاب حياته ويسأل نفسه اين هيه تلك الحياة التي عشتها لنفسي وكما أحب...؟ ماسبب اختيارك لاسم عزيز النفس سيدهااا ... ؟؟؟ أصبح عمر هذا الأسم بالنسبة الي 5 سنوات . اسم عـزيـز الـنـفـس سـيـدهـااا . ومعناه بالنسبة الي ان كل انسان فينا تشده الرغبات والشهوات لاي أمر كان سواء كان مادي او معنوي ويبقى على كل منا ان يتحكم في نفسه ورغباتها ونظرتها لكل شيء , كلما استطاع الانسان ان يسيطر على نفسه ويحافظ على عزتها وهي كلمة من التعزز وان يعتز الشخص بنفسه وذاته ويرضى عنها قبل غيره , ان لا يقبل لنفسه ما ليس من حقه وان يرفض على نفسه ان تطلب ما يطلبه الغير من مساعدة من أحد . وهكذا كلما عَزَزتَ نفسك أصبحت سيدأ عليها تحكمها وتصرفاتها , لا تحكمك وتغويك وتقلل من شأنك في الحياة . أرجو أن أكون قد تمكنت من تغطية اسألتك صمود رغم الحدود والقيود , وكلي استعداد لتقبل اسألتكم المختلفة . دمتم بود ودام حضوركم المميز. | |
|
| |
شموخ انثى عضو فعال
عدد المساهمات : 43 نقاط : 43 تاريخ التسجيل : 29/07/2011 العمر : 33
| موضوع: رد: عزيز النفس سيدهاا على كرسي الأعتراف الثلاثاء أغسطس 02, 2011 11:39 am | |
| مرحبا كتير حلو الموضوع تسلمي حبيبتي صمود
كتير حلو هاد الكرسي وقع عزيز وما حدن سمى عليه
يلا اشوف بدي كتير اجوبه على كتير اسئله
1- بتحب انت ولا مابتحب ؟؟ 2-باقة ورد لمن تهديها ؟؟ 3- شخص لاترفض له طلبا ؟؟ 4- من هو توأم روحك ؟؟ 5-مالذي يشعرك بأكثر قدر من الحرج؟؟ 6-حمامة زاجل استقرت على نافذتك تحمل رسالة من مجهول فممن تتمنى ان تكون؟؟ 7-- من هو العضو اللي يستحق انه تقول عنه محبوب بين الاعضاء ؟ 8-مين بنظرك بيعمل بجهد بالمنتدى
ان شاء الله تعجبك الاسئله | |
|
| |
درب الحياة عضو مميز
عدد المساهمات : 72 نقاط : 74 تاريخ التسجيل : 30/07/2011 العمر : 33
| موضوع: رد: عزيز النفس سيدهاا على كرسي الأعتراف الثلاثاء أغسطس 02, 2011 11:49 am | |
| يا حبيبي بدانا بالاحراج ههههههههه منيح الي استفتحنا بعزيز مش فيه لا عنجد موضوع حلو يسلمووو صمود على هالفكرة . عزيز تخيل حالك في البحر وانت بقارب ومعك حبيبتك مثلا ولازم يضل واحد بس في هاد القارب شو بتعمل ؟ يعني اكيد بتزتها ههههههههه كمان شي شو اكتر لون بتحبه وليش يعني ؟ شو نوع دخانك ؟؟؟ بكفي هيك | |
|
| |
عزيز النفس سيدهااا عضو فضي
عدد المساهمات : 124 نقاط : 154 تاريخ التسجيل : 21/02/2011
| |
| |
سيجاره في وسط الظلام عضو فعال
عدد المساهمات : 30 نقاط : 34 تاريخ التسجيل : 29/07/2011
| موضوع: رد: عزيز النفس سيدهاا على كرسي الأعتراف الأربعاء أغسطس 03, 2011 1:13 pm | |
| | |
|
| |
عزيز النفس سيدهااا عضو فضي
عدد المساهمات : 124 نقاط : 154 تاريخ التسجيل : 21/02/2011
| موضوع: رد: عزيز النفس سيدهاا على كرسي الأعتراف الخميس أغسطس 04, 2011 9:05 am | |
| السلام عليكم ورحمة الله وبركاته الله يسعد مساك أخ سيجارة ومساء الجميع وهو معك حق أحلى مسا لأنك راسم الاسألة رسم ورح أجاوبك بدون لف ودوران
1- الأمنية اللي بتمناها اني أكون مع الانسانة اللي بحبها واخترتها أكمل حياتي معها . ونعيش بجزيرة ببيت يكون كلو من شجر وحواليه شجر .
2- أصعب موقف وقت بطلت قادر أعرف حالي انا وردة ولا شوكة بحياة اللي بحبها وبتحبني .
3-موقفي من الحب , انو شيء حلو كثير وما في أجمل من الحب الصادق بين اثنين خصوصا اذا كان مبني على الثقة والصراحة والتفاهم والاحترام بهيك حب بنقدر نتخطى اي ظروف وبنقدر نجتاز اي صعوبات كان من عادات وتقاليد او حياة بشكل عام .
هل جربته ؟ نعم , ولحد اليوم بعيشه ورح اعيشه كل يوم واللي بيدخل قلبه الحب مستحيل يكره الشخص اللي حبه بالعكس بيضل اله في قلبه ذكرى حلوة حتى لو فرقت بينهم السنين والظروف , مش ضروري نضل نمسك بالامور السيئة اذا كانت حصلت اكيد في كثير شغلات بتكون بقصة الحب وبالطرف الثاني بكفي نوخد الذكريات الحلوة وكل هاي الشغلات ونخلي صورة الحبيب حلوة بعيدة عن الكره والندم . هل تؤمن بوجوده ؟ اكيد موجود, خلق الانسان وخلق معه الحب زي ما خلق معه الكره وبدون حب حياتنا سيئة جدا لدرجة رح ينعدم فيها التواصل حتى بين اي اثنين باي اشي .
4- فأي قرار تتخذه هل ..... تحكم عقلك أم قلبك فيه ... ؟؟ ومن الأسبق فالتحكيم قلبك أم عقلك ؟؟؟؟؟؟؟؟ الحب عادة يدخل الرجل من عينيه ويدخل المرأة من اذنيها , وبالنهاية منبع الحب واسراه وجماله في القلب بغض النظر كيف ولد هذا الحب وقليل جدا ان يكون هناك توافق بين القلب والعقل على الحب ستجد دائما تناقد القلب يطلب الحب بدون تفكير والعقل يفكر بعيدا عن المشاعر والاحاسيس . ولكن بالنسبة الي لا يخلق الحب المثالي الا اذا استطعت انو توفق بين العقل والقلب حينها ستوجد حبا حقيقيا مثاليا يعيش الدهر وبكل يوم يزداد هذا الحب . وانا من ناحيتي قدرت اوفق بين القلب والعقل بكثير امور لانه من الضروري الانسان يفكر اذا ما كان عشان نفسه عشان يضمن سعادة اللي بحبه معه .
5- هل ندمت فحياتك على شي معيّــن ؟؟؟ كلنا لنا اخطاء بالحياة اما ان تكثر اخطاؤنا او نتعلم منها , الندم ما بغير اشي ولا بيرجع اشي خسرته , بدل الندم لازم نحاول نصلح اخطائنا بقدر الامكان افضل ما نقعد بزاوية مظلمة بس نندب بحظنا ونعض اصابيعنا ندم , ولو نضل قاعدين سنين على هاد الحال ما رح نغير اشي . بمختصر انا ضد اشي اسمه ومع اشي اسمه صحح خطأك او اقل ما فيها تعلم منه .
6- رأيي بهذه الكلمات :- * الخيانة : أسوأ ما قد نقابل به او نفعله بحق شخص , تشعر حينها بضياعك وانت مكانك وتشعر بوفاتك الاف المرات وانت حي , الخيانة اساءة الشخص لنفسه قبل اسائته لغيره , عندما تخون فاعلم انك خسرت ثقة اكتسبتها خسرت روحا بداخلك خسرت انسان انت اغلى انسان في قلبه خسرت نفسك وللابد . * المرأه : المرأه بشكل عام الجناح الاخر للطير فان كان الجناح الاول الرجل فالجناح الثاني المراة . ورايي انو ما بنقدر نجمل رأينا بشكل عام عن المراه لان هناك اختلافات بين كل واحدة عن الاخرى . * الصداقة : كالنبتة التي تسقيها لتكبر ثم تكبر ثم تكبر , وليس بسهولة ان تبنى الصداقة .والصداقة سلاح ذو حدين . * النميمة : اكرهها , ومن يتصرف بها اكثر الناس شخصيتهم ضعيفة . يعني بحاجة لدكتور نفسي . *النفاق : اكررهه بعمق , " ما بال بعض الناس صاروا ابحرا , يخفون تحت الحب حقد الحاقدين , يتقابلون باذرع مفتوحة والكره فيهم قد اطل من العيون , يا ليت بين يديه مراّة ترى ما في قلوب الناس من حقد دفين " . دمتم بود ودامت اسألتكم . | |
|
| |
شموخ انثى عضو فعال
عدد المساهمات : 43 نقاط : 43 تاريخ التسجيل : 29/07/2011 العمر : 33
| موضوع: رد: عزيز النفس سيدهاا على كرسي الأعتراف الخميس أغسطس 04, 2011 10:22 am | |
| مرحبا عزيز كتير اعجبتني اجوبتك نيالك بجد شخصيتك كتير حلوووووووه هلأ انا عندي كمان شويه اسئله بدي اغلبك فيهن
حادثة حصلت لك وعمرك ماتقدر تنساها؟؟؟ برايك ان سياقة المرأة للسيارة شي ضروري ؟ شو رايك بعمل المراه ؟؟؟ مشاريعك المستقبليه ؟
مرسي الك وتقبل مروري | |
|
| |
عزيز النفس سيدهااا عضو فضي
عدد المساهمات : 124 نقاط : 154 تاريخ التسجيل : 21/02/2011
| موضوع: رد: عزيز النفس سيدهاا على كرسي الأعتراف الخميس أغسطس 04, 2011 12:49 pm | |
| السلام عليكم ورحمة الله وبركاته
اهلين اخت شموخ مراحب الك وللجميع . يسلمو على رأيك بس الله يستر من اسألتك
حادثة حصلت لك وعمرك ماتقدر تنساها؟؟؟ هو في حادثة بس ما بنفع تنحكى رح احكي حادثة ثانية برضه مش ناسيها لما عملت ضربت وانا اسوق البسكليت " الدراجة الهوائية " بسيارة , كنت صغير وقتها
رايي بعمل المراه ما كنت بيوم ضد عمل المراه ولكن بختلف هالاشي حسب طبيعة العمل وحلو انو يكون عمل تربوي او اجتماعي وكمان الهدف من العمل اله دور كبير مش تكون بتشتغل عشان تغطي مصاريف اواعي ومكياج وحكي فاضي .
برايك ان سياقة المرأة للسيارة شي ضروري ؟ اكيد , ضروري تكون تعرف تسوق .
مشاريعك المستقبليه ؟ اهم اشي حابب اعمله الزواج , وحابب بس مش بالوقت الحالي بعد فترة اني يكون الي مركز للدراسات والاستشارات المالية .
دمتم بود
| |
|
| |
عاشقة الأحزان عضو مشارك
عدد المساهمات : 17 نقاط : 17 تاريخ التسجيل : 04/08/2011 العمر : 37
| موضوع: رد: عزيز النفس سيدهاا على كرسي الأعتراف الجمعة أغسطس 05, 2011 10:36 am | |
| مساء الخير موضوع كتير حلو ومميز يسلموا عيوني صمود دايما كل شي مبدعه فيه عندي اكم سؤال الك عزيز اتفضل << ماهو شعورك وانت في كرسي الاعتراف ؟ مع الشرح بالتفصيل؟
كيف تشوف منتدى صمود ؟؟ بكل صراحه وبدون مجاملات ؟ | |
|
| |
عزيز النفس سيدهااا عضو فضي
عدد المساهمات : 124 نقاط : 154 تاريخ التسجيل : 21/02/2011
| موضوع: رد: عزيز النفس سيدهاا على كرسي الأعتراف الجمعة أغسطس 05, 2011 12:03 pm | |
| السلام عليكم ورحمة الله وبركاته بداية اهلا وسهلا فيكي أخت عاشقة الاحزان بمنتدى صمود رغم الحدود والقيود . شعوري وانا على كرسي الاعتراف , بصراحة مبسوط كثير خصوصا اني اول واحد على الكرسي , ومبسوط لاني يمكن كثير اسالة ما اسالها لنفسي والاقي الها اجابات بس بهاي الطريقة بقدر الانسان يكتشف كثير شغلات جواه من خلال اسالة الاخرين اله وبمتحن نفسه بقدرته على الاجابة وبصراحة بنفس الوقت يعني بدون لف ودوران . كمان هاد الموضوع واللي فعلا بشكر الغالية صمود رغم الحدود والقيود على طرحه وجعله موضوع ثابت في المنتدى , بيخلق حوارات بين الاعضاء وبزيل اي نوع من الخجل او القيود وبشكل حلقة وصل بين الجميع ونوع من الثقة المتبادلة وهيك بنتعود على الصراحة والتعامل بشكل اخوي . منتدى صمود رغم الحدود والقيود اعجبني بشكل كبير جدا بحترم اي منتدى بكون بهاي الطريقة تكون مواضيعه مفيدة بشكل عام , وبتعكس واقع الشعب الفلسطيني من شهداء , واسرى , وتراث فلسطيني , ودراسات حول الشعب الفلسطيني , والمواضيع الاخرى . طبعا كل الفضل يرجع لادارة المنتدى كل التحية والتقدير والاحترام الهم . ومهما حكيت رح اكون مقصر بحق هذا المنتدى , بتمنى للمنتدى وادارته بالتوفيق ويضل على طول معطاء لكل ما هو مميز وجديد . دمتم بود | |
|
| |
كبرياء فلسطيني عضو مشارك
عدد المساهمات : 29 نقاط : 62 تاريخ التسجيل : 30/07/2011 العمر : 35
| موضوع: رد: عزيز النفس سيدهاا على كرسي الأعتراف السبت أغسطس 06, 2011 1:52 am | |
| تحياتي لجميع الاعضاء وبشكر كتير الاخت صمود
على طرحها هيك موضوع حلووو كتير
وهلابدي اسالك يا اخ عزيز النفس سيدها وماراح اكتر عليك: 1- هل سبق وكذبت كذبة كبيرة وخطيرة جدا ؟
2- هل سبق ورفعت صوتك على والديك ؟
3-هل سبق وان صاحبة شحص لغرض معين(يعني مصلحة بالعربي)؟
4-هل سبق وان افطرت في شهر رمضان بدون سبب؟
تحياتي الك اخ عزيز واتمنى ان تجاوب بكل صراحة وصدق كما عودتنا دائما... | |
|
| |
عزيز النفس سيدهااا عضو فضي
عدد المساهمات : 124 نقاط : 154 تاريخ التسجيل : 21/02/2011
| موضوع: رد: عزيز النفس سيدهاا على كرسي الأعتراف السبت أغسطس 06, 2011 8:38 am | |
| السلام عليكم ورحمة الله وبركاته
كبرياء اسألتك مش كثيرة بس حساسة , رح اجاوبك بصراحة .
1- هل سبق وكذبت كذبة كبيرة وخطيرة جدا ؟ نعم , يمكن تكون كذبة كبيرة بس مش خطيرة ومش دايما بكون الكذب لمصلحة ذاتية في اوقات لدفع ضرر .
2- هل سبق ورفعت صوتك على والديك ؟ نعم , ولكن صدقني مش لشغلات بتخصني انا . اوقات الواحد بفقد سيطرته على نفسه وبعدها بشعر بذنب كبير وبحاول بكثير شغلات يعوض عن اللي عمله الله يسامحنا بكل الاحوال ويديم الوالدين فوق راسنا بضلوا بركة الدار والهم الفضل بكل شي .
3-هل سبق وان صاحبة شحص لغرض معين(يعني مصلحة بالعربي)؟ لا , واكره هذا النوع من الصداقة او المصاحبة سواء اعامل حدا فيه او يعاملني فيه , بتقدر تحكي اذا كان الي صاحب عادي وصار صاحب شأن وبقدر يقدم للناس مصالح انا وقتها بخفف علاقتي فيه عشان ما تنحسب مصالح زي باقي الناس .
4-هل سبق وان افطرت في شهر رمضان بدون سبب؟ نعم , ان الله غفور رحيم . ربنا يتقبل مننا ايام طاعتنا , ويغفر لنا ذنوبنا . اااامين
دمتم بود دامت الاسئلة الحساسة | |
|
| |
سيجاره في وسط الظلام عضو فعال
عدد المساهمات : 30 نقاط : 34 تاريخ التسجيل : 29/07/2011
| موضوع: رد: عزيز النفس سيدهاا على كرسي الأعتراف السبت أغسطس 06, 2011 10:00 am | |
| | |
|
| |
جـرحـي الـمـكـابـر عضو مشارك
عدد المساهمات : 29 نقاط : 38 تاريخ التسجيل : 31/07/2011 العمر : 38
| موضوع: رد: عزيز النفس سيدهاا على كرسي الأعتراف السبت أغسطس 06, 2011 11:27 am | |
| السلام عليكم ورحمة الله وبركاته
موضوع اكثر من رائع مشكورة اختي صمود على طرحه
اسمح لي عزيز النفس سيدها بطرح بعض الأسئله التي اتمنى الاجابه بصدق تام وبموضوعيه
1) كيف تعرفت على المنتدى
2) هوايتك
3) قارئ القران المفضل لديك
4) نوعية الكتب التي تقرئها 5) خبر محزن سمعته
6) خبر مفرح سمعته
تقبل مروري اخي العزيز | |
|
| |
عزيز النفس سيدهااا عضو فضي
عدد المساهمات : 124 نقاط : 154 تاريخ التسجيل : 21/02/2011
| موضوع: رد: عزيز النفس سيدهاا على كرسي الأعتراف الأحد أغسطس 07, 2011 1:13 pm | |
| السلام عليكم ورحمة الله وبركاته
الله يسعد مساك سيجارة وسط الظلام ومساء الجميع . شوية اسئلة , رح اجاوب اسألتك بالاول : 1- برجي الميزان . 2- كاظم الساهر , محمد حماقي , فضل شاكر . 3- بصراحة ما بفكر كثير بهيك اشي , يعني عادي مش مهم نوع السيارة . 4- نمرة رجلي , سؤال مش حساس كثير هــع , 40 . 5- بصراحة ما بركز كثير عشان الاقي اشي يلفت انتباهي , بس بحب تكون ماشية باحترام والحياء مبين بوجهها , وطبعا تكون بدون مكياج . 6- اذا لم يكن هناك ما يستحق الموت من أجله , فليس هناك ما يستحق العيش من أجله . 7- المقلوبه , زي الدنيا المقلوبه
اه بكفي كفيت ووفيت . وبدي اجاوب اسئلة الاخ العزيز جرحي المكابر : 1- من خلال معرفتي بالغالية صمود رغم الحدود والقيود . 2- الرياضة بشكل عام . 3- الشيخ محمد البراك . 4- ما بقرا كتب كثير بس اذا حبيت اقرا كتب الفلسفة . 5- كثيرة الاخبار المحزنة . انسى ما تدق كثير . 6- خبر مفرح مش عارف شو بدي اقلك بنفع خبر نجاحي بالتوجيهي .
دمتم بود | |
|
| |
صمود رغم الحدود والقيود عضو ماسي
عدد المساهمات : 297 نقاط : 752 تاريخ التسجيل : 21/02/2011
| موضوع: رد: عزيز النفس سيدهاا على كرسي الأعتراف الإثنين أغسطس 08, 2011 12:09 pm | |
| السلام عليكم ورحمة الله وبركاته
كل الشكر لكل من ساهم في انجاح فكره كرسي الأعتراف ....
مشكور عزيز النفس سيدها على تجاوبك معنا ....
مشكور لاجابتك على ادق الاسئله ...
تفضل تستطيع الان النزول عن هذا الكرسي ...
يعطيك الف عافية ....
كل الشكر لكم جميعااااا ...
دمتم بود .... | |
|
| |
| عزيز النفس سيدهاا على كرسي الأعتراف | |
|